Қарағанды облысы, Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен Құрбан айт мерекесіне орай жамағатқа арналған айттық дастархан жайылды.

Мешіт ауласында ұлттық дәстүр бойынша киіз үй тігіліп, айт намазынан кейін жамағат мерекелік дастархан басында бас қосты. Жиналған қауым айт қуанышын бөлісіп, бауырмалдық пен бірлікке үндеген бұл игі іс-шараға ризашылықтарын білдірді.

Мерекелік басқосу мешіт жамағаты мен қала тұрғындарына рухани қуаныш сыйлап, мұсылмандық бауырластықты нығайта түсті.

ҚМДБ Қарағанды облысы өкілдігінің баспасөз қызметі