Шахтинск қалалық «Нұр» мешітінің ұйымдастыруымен Құрбан айт мерекесіне орай ұлттық ойындардан сайыс өткізілді. Игі іс-шараны мешіттің бас имамы Мәулен Әбілхайыр Кәсенұлы қолға алып, оған Шахтинск қаласының спорт бөлімі мен «Тентек» спорт мектебі қолдау көрсетті.

Мешіт ауласында өткен сайысқа түрлі жастағы тұрғындар қатысып, арқан тарту, қол күрес, асық ату және кір тасын көтеру сияқты ұлттық ойын түрлерінде бақ сынады. Жеңімпаздарға арнайы сыйлықтар табысталды.

Бұл іс-шара халықтың бірлігін арттырып, ұлттық салт-дәстүрді насихаттауды мақсат етті.

ҚМДБ Қарағанды облысы өкілдігінің баспасөз қызметі.