Қарағанды облысы, Шахтинск қалалық «Нұр» мешітінде Құрбан айт мерекесінің құрметіне орай ұлттық спортты дәріптейтін ерекше шара – қой көтеру сайысы ұйымдастырылды.

Игі іс-шара Қаркен қажының ұлдары, жеке кәсіпкерлер Омарбеков Алмас пен Омарбеков Қайдардың, сондай-ақ спорт жанашырлары Тоханов Мақсат пен Тілеубек Аманжол ағаларымыздың демеушілігімен өтті. 

Сайыста күш пен жігер сынға түсті. Жеңімпаз Баспақ Ораз қойды 110 мәрте көтеріп, өзінің мықтылығын дәлелдеді. Белсенділік танытқан жеңімпаз сайыс соңында қойды өзімен бірге алып кетті.

Ұлттық салт-дәстүр мен рухани құндылықты ұштастырған бұл іс-шара жастарды батылдыққа, ерлікке, имандылыққа тәрбиелеуге бағытталды.

ҚМДБ Қарағанды облысы өкілдігінің баспасөз қызметі.