Қарағанды облысы, Шахтинск қаласындағы «Нұр» мешітінде Құрбан айт мерекесіне орай қайырымдылық іс-шарасы өтті. Ізгі істі мешіттің имамы Мәулен Әбілхайыр Кәсенұлы ұйымдастырып, мешіт қызметкерлерінің қолдауымен жүзеге асырды.

Игі бастама аясында әлеуметтік жағдайы төмен 10 отбасыға азық-түлік салынған арнайы себеттер үлестірілді. Әр себет күнделікті тұтынуға қажетті тауарлармен қамтылып, мерекенің шапағатын көпке сезіндіруге бағытталды.

Себеттерді алған мұқтаж жандар алғыстарын білдіріп, Құрбан айт мейрамының осындай сауапты істерге жол ашып отырғанына ризашылықтарын білдірді.

ҚМДБ Қарағанды облысы өкілдігінің баспасөз қызметі.