Қарағанды облысы, Шахтинск қалалық «Нұр» мешітінде Құрбан айт мерекесіне орай ізгі іс ұйымдастырылды. Мешіттің имамы Мәулен Әбілхайыр Кәсенұлының ұйытқы болуымен 40 отбасыға құрбандық еті таратылды.

Бұл қайырымдылық ісі мұқтаж жандарға қолдау білдіру, сондай-ақ Исламдағы құрбан шалу дәстүрін жандандыру мақсатында жүзеге асты. Құрбандық малы жамағат пен демеуші азаматтардың қолдауымен шалынды.

Игі бастама көпшіліктің алғысына бөленіп, тұрғындар тарапынан жылы қабылданды.

ҚМДБ Қарағанды облысы өкілдігінің баспасөз қызметі.