Қарағанды облысы, Теміртау қаласында қасиетті Құрбан айт мейрамы ерекше рухани қуанышпен аталып өтті. Ізгі шараға Теміртау қаласының орталық «Әлихан Бөкейхан» мешітінің имамы Ақниет Сәлімбайұлы ұйытқы болып, мешіт жамағаты мен қала тұрғындарына мерекелік көңіл-күй сыйлады.

Мереке аясында мешіт ауласында спорттық жарыстар мен ұлттық ойындар ұйымдастырылды. Отбасылық құндылықтарды насихаттауға арналған мазмұнды бағдарлама балалар мен ересектерді бір арнаға тоғыстырды. Жиналған көпшілікке түрлі сыйлықтар үлестіріліп, Құрбан айттың қуанышы бүкіл жамағатқа ортақ болды.

Бұл игі бастама Құрбан айттың тек құрбандық шалу емес, бауырмалдық пен бірлікті, қуаныш пен руханиятты дәріптейтін мейрам екенін айқындай түсті. Жиналған қауым мерекелік іс-шараға ризашылықтарын білдіріп, ұлттың салт-дәстүрі мен дініміздің рухани құндылықтары үндескен мерекелік сәттен рухани әсер алды.

ҚМДБ Қарағанды облысы өкілдігінің баспасөз қызметі.