ҚМДБ-ның Қарағанды қалалық «Қазыбек би» мешітінде жас жеткіншектерге арналған дәстүрлі «Имани жаз» жазғы сауат ашу курсы өз жұмысын бастады.

Курстың алғашқы күнінде «Қазыбек би» мешітінің наиб имамы Дастан Абдрахманов балалармен жеке-жеке танысып, оларға білім жолында сәттілік тілеп, ақ батасын берді.

Қазіргі таңда сауат ашу курсында білім алып жатқан ұл-қыздар мешіт ұстаздарынан ахлақ (әдеп), қысқа сүрелер мен дұғалар, Ислам тарихы және намаз оқу негіздерін үйреніп жатыр.

Бұл игі бастама жас ұрпақтың діни сауатын арттырып, имандылыққа баулуға бағытталған. Білім жолындағы балақайларға береке мен сәттілік тілейміз. Әмин!

ҚМДБ Қарағанды облысы өкілдігінің баспасөз қызметі