Қасиетті Құрбан айт мерекесіне орай Қарағанды қаласындағы «Әл-Ғаффар» мешітінде әйел-қыздар жамағатының ұйымдастыруымен «Қасиетті Құрбан айт мейрамы құтты болсын» атты рухани іс-шара өтті.

Іс-шара барысында мешіт ұстазы Бақыт Амантайқызы «Құрбан айттың екі дүниедегі маңызы» тақырыбында уағыз-насихат жүргізіп, мерекенің мәні мен хикметі жайлы кеңінен түсіндірді.

Жиналған шәкірттер бір-біріне сый-сияпат жасап, мерекелік қуанышты бөлісті. Бұл игі басқосу Құрбан айт мейрамының рухани мазмұнын тереңнен ұғынуға сеп болды.

ҚМДБ Қарағанды облысы өкілдігінің баспасөз қызметі.