Қазақ халқының рухани болмысы мен салт-дәстүрін ұлықтаған тағы бір игі іс-шара Бұқар жырау ауданы, Үштөбе ауылының «Қажыбай қажы» мешітінде өтті. Мешіттің ұйымдастыруымен ақ жаулықты аналарымыз садақ ату өнерін үйреніп, ұлттық құндылыққа бет бұрды.

Садақ ату – тек ер-азаматтарға ғана тән өнер емес. Қазақ тарихында жаугершілік заманда елін қорғаған батыр аналар мен жауынгер қыздар аз болмаған. Бұл – аналардың да ерлік пен ептілікке тәрбиеленгенін айғақтайтын тағылымды дәстүр.

Ұлттың болмысын, рухын ұлықтайтын осындай ұлттық құндылықтар бүгінде қайта жаңғырып, жас ұрпаққа өнеге болып келеді. Ақ жаулықты әжелеріміздің садақ атуға қызығушылығы – рухани серпілістің, дәстүрге деген сүйіспеншіліктің айқын көрінісі.

ҚМДБ Қарағанды облысы өкілдігінің баспасөз қызметі