Бұқар жырау ауданы, Үштөбе ауылдық «Қажыбай қажы» мешітінде қыз балаларға арналған дәстүрлі «Имани жаз» жазғы діни сауат ашу курсы өз жұмысын бастады.

Курс аясында бүлдіршіндер мен жасөспірім қыздар Құран оқып-үйреніп, тәжуид негіздерін меңгереді. Шәкірттерге Құран, Тәжуид, Мұғалім сәни, Дұға жаттау, 40 парыз, Ислам әдебі, Ғибратты әңгімелер сонымен қатар намаз оқып үйрену дәрістері жүргізілуде. Шәкірт саны 25.

Мұнымен қатар шәкірттерге ұлттық қолөнердің қыр-сыры мен аспаздық өнер үйретіледі. Бұл бағыттағы сабақтар олардың таным көкжиегін кеңейтіп, нәзік жанды қыз баланың болмысына сай өнерге баулуды көздейді.

«Имани жаз» курсы жас ұрпақтың діни сауатын арттырып қана қоймай, көркем мінез бен имандылықты бойына сіңіруге бағытталған.

ҚМДБ Қарағанды облысы өкілдігінің баспасөз қызметі