Абай ауданына қарасты Дубовка ауылдық мешітінің ауласында тазалық пен көркейту мақсатында сенбілік ұйымдастырылды.

Игі іске мешіт имамы Ақпамбет Наурызбек Мейрамбекұлы бастамашы болып, жамағат белсенді түрде атсалысты. Жұмыс барысында мешіт маңайы ретке келтіріліп, көгалдандыру іс-шаралары жүргізілді.

Сондай-ақ жуырда отырғызылған жеміс ағаштарының көшеттері суарылып, күтім жасалды. Мұндай жұмыстар жамағаттың ауызбіршілігін нығайтып, қоршаған ортаға жанашырлықпен қарауға үндейді.

ҚМДБ Қарағанды облысы өкілдігінің баспасөз қызметі