Абай ауданына қарасты Дубовка ауылдық мешітінде имам Ақпамбет Наурызбек Мейрамбекұлының бастамасымен «Ішімдіктен бас тартқан ауыл» жобасы іске асты.

Игі жоба аясында ауыл тұрғындарына зиянды әдеттерден, әсіресе ішімдіктен аулақ болудың маңызы түсіндіріліп, саламатты өмір салтын насихаттауға бағытталған іс-шаралар ұйымдастырылды.

Аталған жоба аясында ауылдағы дүкен иелерімен кездесулер өткізіліп, ішімдік өнімдерін сатпау жөнінде түсіндіру жұмыстары жүргізілді. Сондай-ақ ішімдіктің адам денсаулығына, отбасылық өмірге және қоғамға тигізер зияны туралы ақпараттық үнпарақтар таратылды.

Бұл бастама ауылдың рухани-әдептік келбетін жақсартуға, өскелең ұрпақты зиянды әрекеттерден қорғауға және саламатты қоғам қалыптастыруға бағытталған.

ҚМДБ Қарағанды облысы өкілдігінің баспасөз қызметі