Абай ауданына қарасты Дубовка ауылдық мешіті имамының ұйымдастыруымен әлеуметтік қолдау бағытындағы игі іс жүзеге асты. Мешіттің имамы Ақпамбет Наурызбек Мейрамбекұлы аудандағы қарттар үйіне арнайы барып, зиярат жасады.

Зиярат барысында имам қариялардың хал-жағдайын сұрап, жылы лебізін білдіріп, ақ баталарын алды. Дін мен дәстүр сабақтастығын негізге ала отырып, қарияларға рухани қолдау көрсетілді.

Қарттар да мешіт тарапынан жасалған бұл қамқорлыққа ризашылықтарын айтып, алғыстарын білдірді.

ҚМДБ Қарағанды облысы өкілдігінің баспасөз қызметі