Қарағанды облысы, Шет ауданына қарасты Ақадыр кентінің «Иса молла» мешітінде балаларға арналған дәстүрлі «Имани жаз – 2025» жазғы діни сауат ашу курсы өз жұмысын бастады.

Курстың ашылу рәсімінде мешіттің бас имамы Азамат Серікұлы балаларға ізгі тілегін білдіріп, бата жасап, рухани ілім алуға бет бұрған шәкірттерге сәттілік тіледі.

Жазғы курс аясында бүлдіршіндерге Құран әліппесі, тәжуид ережелері, әдеп пен ахлақ сабақтары жүргізіліп, имандылықтың негіздері үйретіледі. Сондай-ақ алдағы уақытта тәрбиелік мәні зор танымдық іс-шаралар ұйымдастырылмақ.

Бұл игі бастама барысында жас буынның рухани дүниетанымын кеңейтіп, имани тәрбиемен сусындауына зор мүмкіндік ашылмақ.

ҚМДБ Қарағанды облысы өкілдігінің баспасөз қызметі