Қарағанды облысы, Бұқар жырау ауданы, Үштөбе ауылдық «Қажыбай қажы» мешітінде «Имандылық – әйелдің көркі» атты тақырыпта уағыз-насихат өткізілді.

Іс-шара барысында әйел затының жаратылысындағы ерекше нәзіктік пен жауапкершілік жайлы кеңінен сөз қозғалды. Алла Тағала әйел баласын нәзік әрі төзімді етіп жаратқан. Ол тағдырдың салмағын жүрегімен көтеріп, сабырмен қарсы алады. Әйел – отбасының ұйытқысы, ерінің тірегі, баланың алғашқы тәрбиешісі.

Хадисте: «Менің үмметімнің ең жақсы әйелдері – күйеулеріне сәлемі түзу (бойсұнушы) және қанағатшылдары», – делінген (Айша анамыздан). Сонымен қатар иманды әйелдің ер адамның рухани кемелденуіне тигізетін ықпалы жайлы да айтылды. Омар ибн Хаттаб (р.а.) жеткізген риуаятта Пайғамбарымыз (Оған Алланың салауаты мен сәлемі болсын): «Иманды әйел – қайырлы іс жасамайтын мың еркектен де қайырлы», – деп айтқан.

Уағыз барысында тыңдаушылар иман, тақуалық, отбасы тәрбиесі жайлы тағылымды кеңестер тыңдап, пайдалы мағлұматтар алды.

ҚМДБ Қарағанды облысы өкілдігінің баспасөз қызметі