Қарағанды облысы, Теміртау қаласының «Жақып Ақбай» мешітінде қыз балаларға арналған дәстүрлі 2025 жылғы маусымда «Имани жаз» рухани-танымдық лагері өз жұмысын бастады. Игі бастама жасөспірім қыздардың діни сауатын арттырып, имандылық пен ұлттық құндылықтарды бойына сіңіруге бағытталған.

Лагерьге 10-15 жас аралығындағы қыздар қабылданып, оларға Құран әліппесі, пайғамбарлар тарихы, көркем мінез, инабаттылық, тазалық және отбасылық тәрбиеге қатысты сабақтар өткізіледі. 

Жазғы лагерь бағдарламасы тек діни білім берумен шектелмей, қатысушыларға шығармашылық шеберлік, қолөнер, спорттық ойындар, рухани сұхбаттар және түрлі сайыстар ұйымдастырылып, мазмұнды әрі қызықты форматта өтеді.