Қарағанды қаласы. ҚМДБ бастамасымен қалалық «Төлеутай ата» мешітінде дәстүрлі «Имани жаз – 2025» жазғы сауат ашу курсы өз жұмысын бастады.

Курстың алғашқы күні мешіттің бас имамы Рауан Төлеубекұлы жазғы демалыс уақытында діни білім алуға ниеттенген балаларға сәттілік тілеп, Құран оқылып, бата берілді.

Сауат ашу курсында балаларға арналған имандылық әліппесі, Құран әліппесі және «Мұсылманның 40 парызы» бойынша дәрістер жүргізіліп жатыр. Сонымен қатар, рухани тәрбие беретін сабақтармен бірге ойын-сауық және танымдық шаралар да қарастырылған.