Қарағанды қаласындағы «Әл-Машани» мешітінде әйел-қыздар жамағатына арналған діни дәріс өткізілді. «Ілім үйренудің артықшылығы мен әдебі» тақырыбында өткен дәрісті мешіт ұстазы Гүлнұр Қаныбекқызы жүргізді.

Ислам – білім мен ғылымды дәріптейтін ұлы дін. Құран Кәрімнің алғашқы аяты «Оқы!» деп түсуі – ілім мен оқу-білудің исламдағы орнының айқын дәлелі. Дәріс барысында ұстаз Гүлнұр Қаныбекқызы ілім үйренудің мұсылман өміріндегі маңызына тоқталып, ғылым жолында табысқа жетудің шарттарын кеңінен түсіндірді.

– Ілімге қол жеткізгісі келген адам алдымен ұстазына, ғалымдарға, кітаптарға және білімнің өзіне құрметпен қарауы тиіс. Ғұламалардың айтуынша, ілімде биік дәрежеге жеткендердің барлығы – осы құрметті сақтағандар. Ал керісінше, құрметтен айрылғандар – білім биігінен де алыстап қалған, – деді ұстаз.

Сонымен қатар Алла Тағаланың адамзатқа ақ пен қараны ажырату қабілетін білім арқылы бергені айтылып, ілім ізденудің әрбір мұсылман үшін жауапкершілік әрі міндет екені аталып өтті.

ҚМДБ Қарағанды облысы өкілдігінің баспасөз қызметі