Абай ауданына қарасты Қарабас мешітінің имамы Шәрифулла Шәдиевтің ұйымдастыруымен Теміртау қаласындағы қарттар үйінде қайырымдылық іс-шарасы өтті.

Іс-шара барысында мешіт тарапынан түрлі діни әдебиеттер мен заттар таратылып, қарияларға рухани қолдау көрсетілді. Мешіт имамы қариялардың хал-жағдайын біліп, дін мен дәстүр сабақтастығы туралы насихат айтты.

Шараның басты мақсаты – қоғамның аға буынына құрмет көрсету және исламдағы қайырымдылық қағидасын дәріптеу болды.

ҚМДБ Қарағанды облысы өкілдігінің баспасөз қызметі