Қарағанды қалалық «Қазыбек би» мешітінің ұстазы Гүлнар Кидирмановна жамағатқа арналған мәйітті жуындыру және кебіндеу рәсімдерін үйрету мақсатында танымдық дәріс өткізді.

Дәріс барысында ұстаз «Жаназа және жерлеу рәсімдері» кітабының мазмұнына қысқаша шолу жасап, мәйітті жуындыру мен кебіндеу амалдарын егжей-тегжейлі түсіндірді. Әсіресе, мәйітті жуындыру кезіндегі сақтық шаралары, әуретті жауып, ер адамды ер кісі, әйелді әйел адам жуындыру керектігі, кебіндеу мен жерлеу реттілігі нақты мысалдармен жеткізілді.

Сондай-ақ діни жоралғылар мен ұлттық дәстүр арасындағы сабақтастық жайлы да кеңінен айтылып, қатысушылар тарапынан қойылған сауалдарға жауап берілді. Танымдық дәріс жамағатқа пайдалы мәліметтермен толықты.

ҚМДБ Қарағанды облысы өкілдігінің баспасөз қызметі