Қарағанды облысы, Саран қаласына қарасты Ақтас кентіндегі «Ерімбет Ата» мешітінде балаларға арналған «Имани жаз» сауат ашу курсы жалғасып келеді.

Шәкірттер Қазақстан мұсылмандары діни басқармасы бекіткен «Имандылық әліппесі» атты оқу-әдістемелік құрал арқылы діни сауат ашып, рухани тәлім алады.

Сабақ барысында балаларға әдеп, ата-ананы сыйлау, үлкенге құрмет, кішіге ізет секілді тәлімі мол қасиеттер үйретіле бастады. Сонымен қатар дастархан батасын беру, ас ішер алдындағы дұға, Құран әліппесін үйрену сынды тақырыптар қамтылған мазмұнды дәрістер өткізіліп жатыр.

ҚМДБ Қарағанды облысы өкілдігінің баспасөз қызметі