Қарағанды қалалық «Бала қажы» мешітінде дәстүрлі «Имани жаз» жазғы сауат ашу курсы өз жұмысын жалғастырып жатыр.

Биылғы жылы жазғы мектепке қатысушы балалар саны жылдағыдан артып, Құран әліппесін үйренуге, тәлім-тәрбиелік дәрістерге белсенді қатысып отыр.

Шәкірттерге діни біліммен қатар, имандылық, әдеп, ата-анаға құрмет секілді рухани құндылықтар дәріптеледі.

Жазғы сауат ашу курсы бір ай бойы жалғасатын болады.

ҚМДБ Қарағанды облысы өкілдігінің баспасөз қызметі