Қарағанды облысы Нұра аудандық мешітінде «Ас беру мәдениеті» тақырыбында семинар ұйымдастырылды.

Семинар жұмысына Қарағанды облысының найб имамы Қоныскерей Хумар арнайы қатысып, шариғат талаптары мен салт-дәстүрге сай Құдайы ас беру мәдениетін қалыптастырудың маңызына тоқталды.

Кездесу барысында ҚМДБ тарапынан қабылданған «Құдайы ас беруде ысырапқа жол бермеу» құжаты кеңінен таныстырылып, оның маңыздылығы жан-жақты түсіндірілді. Сонымен қатар бұл мәселені халық арасында кеңінен насихаттауға шақырды.

Семинар соңында қатысушылар тарапынан ұсыныс-пікірлер тыңдалып, ортақ талқылау өтті.

ҚМДБ Қарағанды облысы өкілдігінің баспасөз қызметі