Қарағанды қаласындағы «Қазыбек би» мешіті жамағаты аптаның әр бейсенбісінде берекелі дастархан басында бас қосуды игі дәстүрге айналдырған. Осы үрдіс бойынша мешітте кезекті рухани кеш ұйымдастырылып, жамағат ынтымақтастықпен бас қосты.

Кеш барысында мешіттің наиб имамы Дастан Абдрахманов жамағатқа «Дін мен дәстүрдің сабақтастығы» және «Жат ағым жарға жығады» тақырыптарында мазмұнды уағыз-насихат жүргізіп, имандылықтың маңызын, ұлттық құндылықтармен үндестігін түсіндірді.

Сонымен қатар, қатысушылар көкейлерінде жүрген сұрақтарын қойып, рухани әрі танымдық жауаптар ала алды. Жамағаттың ауызбіршілігін арттырып, имани тәрбиеге негізделген осындай кештер – қоғамдағы тұрақтылық пен рухани жаңғырудың айқын көрінісі.