Қарағанды қалалық «Қазыбек би» мешітінің ұстазы Гүлнар Қидирманованың ұйымдастыруымен әйел-қыздар жамағаты табиғат аясында бас қосып, имани әңгіме мен рухани тәлім алған әсерлі кездесу өтті.

Тыныш әрі шуақты ортада өткен басқосу барысында ұстаз жамағатқа отбасындағы әйел адамның рөлі, бала тәрбиесіндегі жауапкершілік, иманды ананың өнегесі жайында жүрекке жететін насихат айтты.

Бұл рухани кездесу әйел жамағатының бірлігін арттырып, жан дүниені тәрбиелеуге, отбасы құндылықтарын қайта ой елегінен өткізуге себеп болды.

ҚМДБ Қарағанды облысы өкілдігінің баспасөз қызметі