Қарағанды қалалық «Қазыбек би» мешітінің имамы Сәбит Базарбайұлының ұйымдастыруымен мешіт жамағатына «Жат ағым жарға жығады» тақырыбында насихат айтылды.

Жат діни ағымдардың алдын алу мақсатында өткізілген іс-шара барысында имам жамағатқа теріс ағымдардың белгілері, олардың қоғамға тигізер кері әсері мен шынайы исламнан айырмашылықтары жайлы кеңінен түсіндірді.

Уағыз барысында:

• Жат ағымдардың шығу себептері;

• Алаяқ діни насихатшылардың әдіс-тәсілдері;

• Қоғамда белең алып отырған теріс идеологиядан сақтану жолдары;

• Дәстүрлі ислам құндылықтарының орны

сияқты маңызды тақырыптар қамтылды.

Мақсат – жамағатты діни сауаттандырып, қауіп-қатерлерден қорғау, қоғамдағы тұрақтылық пен бірлікті сақтау.

ҚМДБ Қарағанды облысы өкілдігінің баспасөз қызметі