Ақадыр кентіндегі «Иса молла» мешітінде әйелдер жамағатына арналған рухани кездесу өтті.

Іс-шара барысында ұстаз Әлия Рахманқызы «Отбасындағы әйел адамның рөлі» тақырыбында уағыз-насихат жүргізді.

Уағызда отбасындағы әйелдің орны, мейірім мен сабыр секілді асыл қасиеттері жан-жақты түсіндірілді.

Сонымен қатар зорлық-зомбылықтың алдын алу, әйелдің ар-намысы мен қадірін сақтау жайында маңызды ойлар қозғалды.

Қатысушылар тақырып бойынша көкейде жүрген сұрақтарын қойып, тұшымды жауаптар алды.

Мұндай тәрбиелік мәні зор кездесулер әйел жамағатының діни әрі рухани білімін арттыруға ықпал етеді.

ҚМДБ Қарағанды облысы өкілдігінің баспасөз қызметі