Center Image
IHSAN.KZ
Ростовка ауылында «Имани жаз 2025» курсы жалғасып жатыр
Ростовка ауылында «Имани жаз 2025» курсы жалғасып жатыр

Қарағанды облысы, Бұқар Жырау ауданына қарасты Ростовка ауылдық мешітінде балалар мен жасөспірімдерге арналған «Имани жаз 2025» атты жазғы діни сауат ашу курсы жүргізіліп жатыр.

Игі бастама ауыл имамы Марғұлан Зәмеддиннің ұйымдастыруымен жүзеге асып келеді. Дәріс барысында шәкірттерге «Имандылық әліппесі», «Мұсылманның қырық парызы» секілді пәндер жас ерекшеліктері мен діни және рухани білімдеріне сай тереңірек оқытылады.

Мешітте өткізіліп жатқан бұл жазғы сабақтар балалардың бос уақытын тиімді өткізуге, имандылық пен адамгершілік құндылықтарды бойларына сіңіруге бағытталған. Сонымен қатар шәкірттер намаз, дұға оқуды және ислам әдебін меңгеруді де үйреніп жүр.

Ата-аналар мен ауыл тұрғындары бұл игі іс-шараға зор ризашылықтарын білдірді. Осындай бастамалар ауыл жастарының рухани дамуына серпін беріп, ел болашағы үшін маңызды үлес қосары анық.

ҚМДБ Қарағанды облысы өкілдігінің баспасөз қызметі 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz