Қарағанды қалалық «Қазыбек би» мешітінде жаз бойы өткізілген «Имани жаз 2025» атты жазғы сауат ашу курсы өз мәресіне жетті.

Салтанатты марапаттау рәсіміне мешіт имамы Сәбит Базарбайұлы қатысып, дәріс барысында белсенділік танытқан шәкірттерге жүрекжарды лебізін білдіріп, алғыс айтты. Ол жас буынның имандылыққа бет бұруы – қоғамның жарқын болашағы екенін атап өтті.

Сондай-ақ шәкірттерге діни білім берген ұстаз Дастан Абдрахманов қатысушыларға алғыс хаттар мен ынталандыру сыйлықтарын табыстады. Бұл – балалардың білімге деген қызығушылығын арттырып, рухани дамуына ерекше серпін берді.

Жазғы дәріс шәкірттердің діни сауатын арттыруға, имандылық пен көркем мінезге тәрбиелеуге бағытталған маңызды жобалардың бірі болды.

ҚМДБ Қарағанды облысы өкілдігінің баспасөз қызметі