Қарағанды қаласындағы «Әл-Ғаффар» мешітінде 2025 жылғы маусым айында «Құран мен сүннеттегі муташабиһ аяттарға білімсіз бойлаудан сақтану» тақырыбында танымдық дәріс өткізілді.

Дәріс барысында муташабиһ (астарлы, ұқсас мағыналы) аяттардың табиғаты, оларды түсінудегі әдіснамалық ұстанымдар және ислам ғұламаларының пікірлері жан-жақты түсіндірілді. Мұндай аяттарға терең діни білімсіз бойлау – қате түсініктер мен адасушылыққа апарып соғуы мүмкін екені де атап өтілді.

Мешіт ұстазы Азамат Төлеухан өз сөзінде мұсылманға тән ұстамдылық, сенімді білім иелерінен үйрену, мазмұнды тәпсірлерге жүгіну сынды қағидаларды баса айтып, жамағатқа пайдалы кеңестер ұсынды.

Кездесуге қатысқан мешіт жамағаты тақырыпқа белсенді қатысып, көкейдегі сұрақтарын қойып, пайдалы мәліметтерге қанықты.

«Әл-Ғаффар» мешіті алдағы уақытта да осындай танымдық дәрістерді тұрақты түрде өткізу арқылы жамағаттың діни түсінігін тереңдетуге ықпал етуді көздеп отыр.

ҚМДБ Қарағанды облысы өкілдігінің баспасөз қызметі