Қарағанды қалалық «Әл-Ғаффар» мешітінде әлеуметтік жауапкершілікті арттыруға бағытталған қайырымдылық іс-шарасы өз жалғасын тапты. Игі бастама аясында әлеуметтік жағынан аз қамтылған отбасыларға азық-түлік себеттері таратылып, қолдау көрсетілді.

Іс-шара мешіттің бас имамы Ермахан Оралбайдың ұйымдастыруымен өтті. Имам өз сөзінде Қазақстан мұсылмандары діни басқармасы 2025 жылды «Ислам және отбасы құндылықтары жылы» деп жариялағанын атап өтіп, бұл игі істің сол бастама аясында жүзеге асып жатқанын жеткізді. Сондай-ақ мұқтаж жандарға көмек көрсету — ата-бабалардан жалғасып келе жатқан ізгі дәстүр екенін, ал жақсылық пен жомарттық Ислам дінінде ерекше маңызға ие екенін айтты.

Мешіт ұжымы мұндай қайырымдылық іс-шаралары алдағы уақытта да тұрақты түрде жалғасын табатынын жеткізді.

ҚМДБ Қарағанды облысы өкілдігінің баспасөз қызметі