Қарағанды қаласындағы «Әл-Машани» мешітінде «Намаз – рухани тәрбие бастауы» тақырыбында әйелдер жамағатына арналған танымдық семинар ұйымдастырылды. Іс-шараны мешіт ұстаздары Бақытгүл Айтқалиқызы мен Гүлнұр Қаныбекқызы өткізді.

Семинар барысында намаздың құндылығы, оның адам руханиятына әсері, күнәдан арылтып, тақуалыққа жетелейтін тәрбиелік маңызы кеңінен түсіндірілді. Ұстаздар Құран Кәрімдегі:
«Шынында, намаз арсыздықтан және жамандықтан тыяды»
(Анкабут сүресі, 45-аят)
деген аятты негізге ала отырып, намаздың жан-дүниені тазартып, ізгілікке бастайтын рухани құрал екенін айтты.

Кездесуде намаздың шарттары, рүкіндері мен уәжіптері қамтылып, сүре оқу барысында жиі жіберілетін қателіктер талданды. Жамағат тарапынан қойылған сұрақтарға ұстаздар жан-жақты жауап беріп, ашық пікір алмасу орын алды.

ҚМДБ Қарағанды облысы өкілдігінің баспасөз қызметі