Қарағанды қаласындағы «Әл Машани» мешітінде қыз балалардың рухани тәрбиесіне арналған маңызды насихат жиыны өтті.

Мешіт ұстазы шәкірттерге «Қыз тәрбиесі» тақырыбында дәріс өткізіп, әйел баласының қоғамдағы орны, ата-ананың жауапкершілігі және қыз баласына имандылық пен ибалылықты сіңірудің маңыздылығы жөнінде тағылымды ойлар айтты.

Жиын барысында ұстаз қазақы тәрбие мен Ислам құндылықтарын байланыстыра отырып, қыз баланың болашақ ана, болашақ ұрпақтың тәрбиешісі екенін ұғындырды. Шәкірттер көкейдегі сұрақтарын қойып, пайдалы кеңестер алды.

ҚМДБ Қарағанды облысы өкілдігінің баспасөз қызметі