«Әл-Ғаффар» мешітінде жазғы лагерь аясында қыз балаларға арналған ерекше шеберлік сабағы өтті. «Шоколадты құлпынай» атты бұл шеберлік сабағы тәрбиелік мәні мен шығармашылыққа баулитын мазмұнымен ерекшеленді.

Қатысушылар шеберлік сабағында құлпынайды жуып-тазалаудан бастап, оны ерітілген қара және ақ шоколадқа батырып, түрлі сәндік элементтермен безендіруді үйренді. Әр әрекетте қыздарға ниетті дұрыстау, тазалық сақтау, сабырлық таныту және жаратылыстың көркемдігін түсіну сынды рухани мағыналарға көңіл бөлінді.

Іс-шара соңында қатысушылар өз қолдарымен әзірлеген тәттілерін жақындарымен бөлісіп, «Береке – бөліскенде» қағидасын ұстанды. Сонымен қатар, қысқаша рухани насихат арқылы әрбір дәмнің Алланың нығметі екенін ұғынып, шүкіршілік етуге үнделді.

қмдб қарағанды облысы өкілдігінің баспасөз қызметі