Абай ауданына қарасты Ақбастау ауылының 65 жылдық мерейтойы ұлттық рух пен салт-дәстүр сабақтасқан торқалы тойға ұласты.

Мерекелік іс-шараға арнайы шақыртумен Қарағанды қалалық «Бұқар жырау» мешітінің найб имамы Аманбол Рымқұлұлы барып, ауыл мешітінде Құран бағыштап, бата берді. Осылайша той «Бисмилламен» басталып, рухани лебізбен өрбіді.

Тұрғындар дүбірлі тойды ерекше қуанышпен атап өтті. Ат жарыс, қазақша күрес және басқа да ұлттық ойындар ұйымдастырылып, киіз үйлер тігіліп, көпшілікке ас берілді.

Ауыл әкімі мерекеге арнайы келген найб имамға ауыл халқы атынан алғыс айтып, ақжарма тілегін білдірді.

ҚМДБ Қарағанды облысы өкілдігінің баспасөз қызметі