Абай аудандық орталық мешітінде ардақты Пайғамбарымыз Мұхаммедтің (Оған Алланың салауаты мен сәлемі болсын) өмірбаянына арналған сира дәрістері тұрақты түрде өткізіліп келеді.

Дәріс барысында екі дүние сардарының ғибратты ғұмыры мен көркем мінезі жайлы терең әрі мазмұнды мәліметтер айтылып, тыңдаушыларға рухани азық ұсынылады. Мешіттің наиб имам Нұрқанат Төлеутайұлы дәріс барысында Пайғамбарымыздың өнегелі өмір жолын жан-жақты түсіндіріп, жамағатты үнемі сүннет жолымен жүруге үндейді.

Аталған сира сабақтары мешіт жамағатының діни білімін арттырып қана қоймай, пайғамбарлық жолға, ізгілік пен көркем мінезге бастайтын тағылымды насихатқа айналып отыр.

ҚМДБ Қарағанды облысы өкілдігінің баспасөз қызметі