Қарағанды қалалық «Төлеутай ата» мешітінде ардақты Пайғамбарымыз Мұхаммед Мұстафаның (Оған Алланың салауаты мен сәлемі болсын) өмірбаянына арналған сира дәрістері тұрақты түрде өтіп келеді.

Аталмыш дәрістер барысында екі дүние сардарының ғибратты ғұмыры, көркем мінезі, адамзатқа қалдырған асыл сүннеттері жан-жақты түсіндіріледі. Бұл тағылымды сабақтар жамағаттың рухани дүниесін байытып, сүннетті дұрыс түсініп, өмірге өнеге етуге бағыт береді.

Игі мақсатта ұйымдастырылған дәрістерді мешіттің наиб имамы Дархан Түменбей жүргізіп жүр.

Сира сабақтары – жамағаттың діни білімін тереңдетіп қана қоймай, ардақты Елшінің (Оған Алланың салауаты мен сәлемі болсын) өнегелі өмір жолынан үлгі алуға жетелейтін маңызды рухани тәрбие құралы болып отыр.

ҚМДБ Қарағанды облысы өкілдігінің баспасөз қызметі