Center Image
IHSAN.KZ
«Төлеутай ата» мешітінің жазғы сауат ашу курсы табиғат аясында жалғасты
«Төлеутай ата» мешітінің жазғы сауат ашу курсы табиғат аясында жалғасты

Қарағанды қалалық «Төлеутай ата» мешітінің жанынан ұйымдастырылған «Имани жаз 2025» жазғы сауат ашу курсының шәкірттері табиғат аясында тағылымды отырыс өткізді. Игі бастаманың ұйытқысы — мешіт ұстазы  Фатима Аманболдықызы.

Іс-шараның негізгі мақсаты — жасөспірімдерге діни-рухани тәрбие беру, оларды білімге, ұйымшылдыққа, табиғатты қорғауға, жақсылық пен ізгілікке үндеу. Ашық аспан астында өткен тағылымды кездесу барысында шәкірттерге «Білім алудың артықшылығы» және «Жастық шақтың қадірі» тақырыптарында әсерлі уағыз-насихат айтылды.

іс-шара барысында балалар табиғаттың сұлулығына тамсанып қана қоймай, имандылықтың, тәрбиенің, уақытты тиімді өткізудің маңыздылығы туралы ой түйді. Сондай-ақ қатысушыларға арналып жайылған дастархан басында ағайындық пен бірліктің үлгісі көрсетілді. Балалар арасында түрлі көңілді ойындар ұйымдастырылып, олардың бос уақыттарын пайдалы әрі қызықты өткізуге мүмкіндік жасалды.

Айта кетейік, «Имани жаз 2025» жобасы аясында Қарағанды қалалық «Төлеутай ата» мешітінде балалар мен жасөспірімдерге арналған сауат ашу дәрістері жүйелі өткізіліп келеді. Мұндай игі іс-шаралар алдағы уақытта да жалғасын табады.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz