Қарағанды облысы, Бұқар жырау аудандық «Жыржыс қажы» мешітінде ардақты Пайғамбарымыз Мұхаммедтің (Оған Алланың салауаты мен сәлемі болсын) өмірбаяны баяндалатын сира дәрістері тұрақты түрде ұйымдастырылып келеді.

Игі іс-шараны аудан имамы Рүстем Мұратұлы қолға алып, жамағатқа екі дүние сардарының ғибратты ғұмыры, көркем мінезі мен үмметіне қалдырған асыл өсиеттері туралы терең мағлұматтар береді.

Дәріс барысында Алла елшісінің өмір жолынан тағылым алу, сүннетті өмірде үлгі ету, мұсылманның мінез-құлқы мен рухани тәрбиесіне қатысты өзекті тақырыптар кеңінен түсіндіріледі.

Жамағат тарапынан үлкен қызығушылыққа ие болған бұл тағылымды дәрістер алдағы уақытта да жалғасын табады.

ҚМДБ Қарағанды облысы өкілдігінің баспасөз қызметі