Теміртау қалалық «Жақып Ақбай» мешітінде ұстаз Дәуірғалиқызы Ақниет ұйымдастыруымен «Дұғам қабыл болсын» атты рухани-танымдық іс-шара өтті.

Іс-шара аясында мешітке жиналған балалар арасында бата сайысы ұйымдастырылып, игі бастама аясында ұстаз Ақниет Дәуірғалиқызы дұғаның мәні мен маңызы туралы уағыз айтып, балаларға рухани тәлім-тәрбие берді.

Сайыс барысында шәкірттер жаттаған ізгі дұғаларын жатқа айтып, имандылық пен тәрбиені ұштастырған жүрекке әсерлі сөздерімен көрермендердің ықыласына бөленді. Қазылар алқасының шешімімен үздік шыққан қатысушылар І, ІІ, ІІІ орындарға лайық деп танылып, марапатталды. 

Байқау соңында барлық балаларға сыйлықтар табысталып, шәкірттер ерекше көңіл-күйде болды. 

ҚМДБ Қарағанды облысы өкілдігінің баспасөз қызметі