Бұқар жырау ауданы, Үштөбе ауылының «Қажыбай қажы» мешітінде қыз балалар арасында «Дұға – мұсылман қорғаны» атты рухани сайыс ұйымдастырылды.

Іс-шараның басында қатысушыларға дұғаның маңызы мен мәні туралы дәріс өткізілді. Ардақты Пайғамбарымыз Мұхаммед (с.ғ.с): «Дұға – ғибадат» деген. Расында, дұға – пенде мен Ұлы Жаратушы арасындағы ең берік байланыс құралы.

Сайыс барысында балалар дәріс кезінде үйренген намаз дұғаларын және күнделікті өмірде қолданылатын дұғаларды жатқа айтып, бірнеше кезеңнен тұратын тапсырмаларды орындады. Ерекше назар аударылған кезең – дұғалардан көрініс көрсету. Бұл кезеңде балалар мұсылманның көркем мінезін сахналық қойылым арқылы көрсетті және дұғаның күнделікті өмірде қалай қолданылатынын терең түсіне алды.

Сайыс соңында белсенділік танытқан барлық қатысушыларға естелік сыйлықтар табыс етілді.