Шет ауданы, Ақадыр кентіндегі «Иса молла» мешітінде өткен «Имани жаз – 2025» атты балаларға арналған діни сауат ашу курсы өз мәресіне жетті. Курстың қорытындысында мешіт ұстаздары шәкірттерге білім алудың маңыздылығы туралы уағыз айтып, қатысушыларға арнайы сертификаттар мен сыйлықтар табыстады.

Іс-шара барысында балалар Құран әліппесі мен намаз оқу негіздерін меңгеріп, имандылық пен әдептілікке тәрбиеленді. Ата-аналар мен жамағат тарапынан алғыс айтылып, осындай рухани бағыттағы курстардың жалғасын табуы қолдау тапты.

ҚМДБ Қарағанды облысы өкілдігінің баспасөз қызметі