Шет ауданында мұқтаж отбасыға арналған қайырымдылық іс-шарасы өтті

Қарағанды облысына қарасты Шет аудандық «Жанқұтты би» мешітінде кезекті қайырымдылық іс-шарасы ұйымдастырылды. Игі бастаманы мешіт имамы Берік Алпысбайұлы қолға алып, әлеуметтік көмекке мұқтаж отбасыға қолдау көрсетті.

Қайырымдылық акциясы аясында тұрмыстық жағдайы төмен, көпбалалы, әлеуметтік қолдауға мұқтаж отбасыға күнделікті тұрмысқа қажетті азық-түлік түрлері табысталды. Қайырымдылық көмегі отбасының жағдайын жеңілдетуге бағытталған.

Мешіт имамы Берік Алпысбайұлы қайырымдылық жасау — адамгершіліктің, мұсылмандықтың жарқын үлгісі екенін атап өтті. Ол әрбір мүміннің қоғамдағы әлсіз жандарға көмектесу арқылы рухани бірлікті нығайтуға үлес қосатынын мәлімдеді.

Айта кетейік, «Жанқұтты би» мешіті ұжымы қайырымдылық бағытындағы жұмыстарды жүйелі түрде ұйымдастырып келеді. Алдағы уақытта да аудан көлемінде мұқтаж жандарға қолдау көрсету жұмыстары жалғасын таппақ.

ҚМДБ Қарағанды облысы өкілдігінің баспасөз қызметі