Қарағанды қалалық «Төлеутай ата» мешітінде «Имани жаз – 2025» жазғы сауат ашу дәрістері жоғары деңгейде жалғасып жатыр.

Аталмыш жоба аясында балалар мен жасөспірімдерге діни сауаттылықты арттыру, имандылыққа баулу, ұлттық құндылықтарды дәріптеу бағытында түрлі тәрбиелік іс-шаралар ұйымдастырылып келеді.

Бұл жолы мешіт ұстазы Фатима Аманболдықызының ұйытқы болуымен шәкірттер арасында «Алланың көркем есімдерін жатқа айту» сайысы өтті.

Сайыс барысында қатысушылар Жаратушының көркем есімдерін жаттап қана қоймай, олардың мағынасын түсінуге, дұрыс айтуға тырысып, діни білімдерін шыңдауға мүмкіндік алды.

Жарыс нәтижесінде үздік шыққан шәкірттер «Төлеутай ата» мешітінің имамы Рауан Төлеубекұлының арнайы алғыс хаттарымен марапатталды.

Сонымен қатар барлық қатысушыларға ынталандыру сыйлықтары табысталып, имандылық жолында ізденуге, білім алуға үнделді.

Игі іс-шара соңында мешіт ұстазы жас буынға ақыл-кеңес беріп, қатысушыларға сәттілік тілеп, ізгі ниетін білдірді.

ҚМДБ Қарағанды облысы өкілдігінің баспасөз қызметі