Жаз мезгілінде балалар мен жасөспірімдерге рухани тәрбие беруді мақсат еткен «Қажыбай қажы» мешітіндегі имани жазғы лагерь өз мәресіне жетті.

Лагерь барысында қатысушылар Құран оқуды үйреніп, ислам дінінің негіздерімен танысты. Сонымен қатар тәрбиелік мәні бар рухани-мәдени іс-шараларға қатысып, түрлі спорттық және зияткерлік ойындар арқылы өзара достықты, ауызбіршілікті нығайтуға бағытталған ортада тәрбиеленді.

Діни сауат ашу курсында шәкірттерге мешіт ұстаздары Қанат Мәриям мен Гүлнұр Қаныбекқызы, сондай-ақ тәжірибе жинау мақсатында НМУ-дің 3-курс студенті Әшім Кәусар дәріс берді.

Лагерьдің басты мақсаты – жас ұрпақтың бойына имандылық пен адамгершілік құндылықтарды сіңіру, олардың рухани әлемін байыту болды. Шараға қатысқан әрбір бала жаңа достар тауып, жүректеріне жылы әсер мен ізгі ниет алып қайтты.

ҚМДБ Қарағанды облысы өкілдігінің баспасөз қызметі