Қарағанды облысына қарасты Бұқар жырау аудандық «Жыржыс қажы» мешітінің сыртқы қоршау жұмыстары қолға алынды.

Игі істің бастамашысы — ауданның бас имамы Рүстем Мұратұлы. Бұл іске мешіт жамағаты мен жергілікті тұрғындар белсенді түрде үлес қосып отыр.

Аудан имамы мешіт аумағын көркейту — тек сыртқы бейнесін жақсарту емес, сонымен қатар мешіттің қауіпсіздігін арттыру және тәртіпті сақтау мақсатында жүзеге асып жатқанын атап өтті.

Қазіргі таңда қажетті құрылыс материалдары жеткізілді, жұмыс қарқынды жүргізіліп жатыр. Алдағы уақытта мешіт аумағында қосымша абаттандыру, көгалдандыру және басқа да жұмыстар жалғасын табады деп жоспарланып отыр.

Бұл — өңір жұртшылығының ынтымақтастығы мен имандылық жолындағы бірлігінің жарқын көрінісі.

ҚМДБ Қарағанды облысы өкілдігінің баспасөз қызметі