Қарағанды облысына қарасты Абай аудандық орталық мешітінде «Имани жаз – 2025» жазғы сауат ашу дәрістері қарқынды әрі қызықты форматта жалғасып жатыр. Игі бастама аясында жас шәкірттер діни сауатын арттырып қана қоймай, түрлі тәрбиелік және ойын-сауық бағдарламаларына белсене қатысып келеді.

Мешіт ұстаздарының ұйымдастыруымен өтіп жатқан дәрістерде балаларға Құран әліппесі, намаз негіздері, әдеп-ахлақ сабақтары оқытылады. Сонымен қатар балалардың ынтасын арттырып, білімге құштарлығын ояту мақсатында әртүрлі танымдық ойындар ұйымдастырылып, оқушылар белсенділік танытып жатыр.

Жас шәкірттердің құрметіне мешіт асханасында дастархан жайылып, тәттілер мен сусындар таратылды. Бұл – балалардың мешітке деген қызығушылығын арттырып, рухани ортаға бейімделуіне оң әсер берді.

Абай аудандық орталық мешіті алдағы уақытта да «Имани жаз» аясында дәрістер мен тәрбиелік іс-шараларды жалғастырып, жас буынның діни білімін арттыру бағытында жүйелі жұмыстар жүргізуді жоспарлап отыр.

ҚМДБ Қарағанды облысы өкілдігінің баспасөз қызметі