Абай ауданына қарасты Топар кентіндегі «Жұмабек Тәшен» мешітінде «Имани жаз – 2025» жазғы сауат ашу дәрісі аясында шәкірттер арасында үстел теннисінен сайыс ұйымдастырылды.

Игі іс-шара мешіт имамы Мурсали Қаленұлының ұйытқы болуымен өтті. Спорттық бәсеке балалардың бос уақытын тиімді өткізіп, денсаулықтарын нығайтуға және ұйымшылдықты дамытуға бағытталды.

Сайысқа қатысқан шәкірттер жоғары белсенділік танытып, өзара тартысты ойын өрнегін көрсетті.

Іс-шара соңында жеңімпаздар марапатталып, барлық қатысушыларға ынталандыру сыйлықтары табысталды.

Осындай рухани және спорттық бағыттағы іс-шаралар жас буынның тәрбиесіне оң әсер етіп, мешітке деген қызығушылығын арттырып келеді.

ҚМДБ Қарағанды облысы өкілдігінің баспасөз қызметі