Ақтоғай ауданындағы жазғы діни сауат ашу маусымы сәтті қорытындыланды. «Имани жаз – 2025» жазғы курсына аудан бойынша барлығы 49 бала қатысып, рухани білім алып, тәрбиелік бағыттағы дәрістерге қатысты. Оның ішінде 34-і ер бала, 15-і қыз бала болды.

Курс аясында шәкірттерге Құран әліппесі, иман негіздері, ислам әдебі секілді пәндер оқытылып, мешіт ұстаздары тарапынан тақырыптық дәрістер жүргізілді. Сонымен қатар балалардың бос уақытын тиімді өткізу мақсатында ұлттық ойындар ұйымдастырылып, сый-сияпат таратылды.

ҚМДБ Қарағанды облысы өкілдігінің баспасөз қызметі