Қарағанды облысына қарасты Шет ауданы, Ақадыр кентіндегі «Иса молла» мешітінде мұсылман қауымы үшін қасиетті саналатын мұхаррам айының оразасы туралы рухани насихат айтылды.

Игі рухани іс-шара мешіт имамы Азамат Серікұлының ұйымдастыруымен өтті. Жиын барысында жамағатқа мұхаррам айының артықшылығы, бұл айда орын алған маңызды тарихи оқиғалар және Ашура күнінің мәні кеңінен түсіндірілді.

Имам Азамат Серікұлы Ашура күні ұсталған оразаның сауабы мол екенін атап өтті. Сондай-ақ бұл күн – адамзат тарихында көптеген тағылымды оқиғалар болған ерекше күн екендігін баяндады.. Солардың бірі – Мұса (ғ.с.) пайғамбардың қауымымен бірге перғауынның зұлымдығынан құтылғандығы жайлы оқиға.

Іс-шара соңында жамағат көкейдегі сұрақтарын қойып, мешіт имамынан мазмұнды әрі нақты жауаптар алды.

ҚМДБ Қарағанды облысы өкілдігінің баспасөз қызметі